«Галатасарай» басшылығы Моуриньоны Бурукқа шабуыл жасады деп айыптады

BBC Sport хабарлауынша, «Галатасарай» клубы Түркия Кубогының ширек финалындағы матчтан кейін «Фенербахче» бас бапкері Жозе Моуриньоның олардың жаттықтырушысы Окан Бурукқа физикалық түрде шабуыл жасағанын мәлімдеді.

Клуб вице-президенті Метин Өзтүріктің айтуынша, Моуриньо төрешілерді құттықтағаннан кейін «алдымен сөзбен, сосын физикалық түрде» Бурукқа тиісіп, мұрнын шымшып кеткен.

«Әлемнің қай жерінде ол мұндай әрекетке бара алады?» — деп ашуланды клуб басшысы.

Матчтан кейінгі баспасөз мәслихатында Окан Бурук жағдайды жұмсартып:

«Менің және Моуриньоның арасында ештеңе болған жоқ. Иә, ол менің мұрнымды шымшыды. Әрине, бұл дұрыс әрекет емес», — деп пікір білдірді.

Ойын 2:1 есебімен «Галатасарайдың» пайдасына аяқталды. Қосымша уақытта орындықтағы төбелеске қатысқан үш ойыншы — Мерт Яндаш, Керем Демирбай және Барыш Йылмаз — қызыл қағаз алды.

Біздің парақшамыздан футбол матчтарының барлық нәтижелерін Live форматта бірінші болып біліңіз!