Футболшы Бірінші лига матчында алаң ортасынан керемет гол соқты

«SD Family» командасының ойыншысы Артур Дадаханов «Қайрат-Жастар» қарсы матчта әсерлі голмен көзге түсті — шабуылшы қарсыластар қақпасына алаң ортасынан гол соқты.

Бірінші лиганың 26-шы тур аясында алматылық «Қайрат-Жастар» өз алаңында елордалық «SD Family» командасын қабылдады — үй иелері 5:1 есебімен сенімді жеңіске жетті.

Кездесудің 83-ші минутында Дадаханов алматылық қақпашы Шерхан Қалмырзаның қателігін пайдаланды — қонақтар командасының футболшысы алаң ортасынан дәл соққымен допты қақпаға кіргізді.

Маусым қорытындысы бойынша «Қайрат-Жастар» турнир кестесінде 40 ұпаймен алтыншы орынды иеленді.