Футболдан Қазақстан жасөспірімдер құрамасы бүгін Әзербайжанмен ойнайды

Бүгін Қазақстан 17 жасқа дейінгі жасөспірімдер құрамасы Әзербайжандағы алғашқы жолдастық матчын өткізеді, деп хабарлайды Sport12.kz.

Қазақстандық футболшылардың Габала қаласында Әзербайжан және Грузия құрамаларымен екі жолдастық матч жоспарланған. Ойындар 6 және 8 маусым күндері өтеді.

Алдымен бүгін, 6 маусымда 17:30-да Әзербайжанмен шеберлік байқасса, 8 маусымда 12:00-де Грузиямен ойнайды.

Еліміздің жасөспірімдер құрамасы 28 мамырдан бастап оқу-жаттығу жиынын бастады. Алғашқы оқу-жаттығу жиынын Талғар қаласында өткізді.