FWA: Салах пен Руссо — 2025 жылдың үздік футболшылары

Англияның футбол журналистері қауымдастығы (FWA) 2025 жылдың үздік ойыншылары ретінде «Ливерпульдің» шабуылшысы Мохамед Салах пен «Арсеналдың» форварды Алессия Руссоны атады.

Салах Англия Премьер-лигасының маусымында рекорд жаңартты — 38 ойында 28 гол соғып, 18 нәтижелі пас берді. Бұл көрсеткіштер «Ливерпульдің» чемпион атануына зор үлес қосты. Чемпиондар лигасында ол 1/8 финалға дейін 3 гол және 4 ассист тіркеді.

900-ден астам FWA мүшесі қатысқан дауыс беруде Салах рекордтық 90% дауыспен жеңіске жетті. Одан кейінгі орындарда:

• Вирджил ван Дейк
• Александр Исак
• Деклан Райс

Ал әйелдер футболында Алессия Руссо маусымды жоғары деңгейде өткізді. Суперлигада 12 гол соғып, «Арсеналдың» екінші орынға көтерілуіне көмектесті. Чемпиондар лигасында оның еншісінде — 8 гол мен 2 нәтижелі пас. Командасы Лиссабонда өтетін финалда «Барселонамен» кездесуге дайындалып жатыр.