Фузиле: «Сұлтан Зәуірбекті бағалаймын, бірақ ол маған қауіп төндірмейді»

Оңтүстік африкалық боксшы Азинга Фузиле (18-2, 12 КО) жеңілмеген қазақстандық Сұлтан Зәуірбекпен (19-0, 13 КО) өтетін жекпе-жек алдында өз пікірін білдірді. Ол бұл кездесуге үлкен жауапкершілікпен қарап отырғанын атап өтті.

«Мақсат — қалай болса да жеңіске жету. Нокаутпен немесе ұпаймен — бәрібір, бірақ мен сол күні міндетті түрде жеңуім керек», — деді Фузиле.

Оңтүстік африкалық боксшы қарсыласына құрметпен қарайтынын жасырмады:

«Ол — мықты боксшы, тәжірибесі мол. Оны кемітіп отырған жоқпын. Оның бокстық IQ-сы жоғары. Бірақ ол маған қауіп төндіреді деп ойламаймын», — деді ол.

Фузиле мен Зәуірбектің жекпе-жегі 5 сәуір күні Астанада өтеді. Бұл бокс кешінің басты оқиғасында орта салмақтағы WBO және IBF чемпионы Жәнібек Әлімханұлы (16-0, 11 КО) француз Анауэль Нгамиссенгеге (14-0, 9 КО) қарсы чемпиондық белбеулерін қорғайды.