Футзалдан ұлттық құрама екінші турдан кейін плей-оффқа шықты

Жарыс ережесі бойынша топтағы үздік екі команда плей-оффқа тікелей жолдама алады. Сонымен қатар тағы 4 құрама нәтижесіне қарай үшінші орын алған командалар арасынан іріктеледі.

4 ұпайы бар отандастарымыз Жаңа Зеландияға қарсы ойында жеңілсе де, 1/8 финалға сенімді шығып тұр. Яғни, үшінші орыннан төмен түспейді. Себебі қазір үшінші орында тұрған үш командада ғана ұпай бар. Ал төртінші құрама 4 ұпай жинап үлгермейді.

1/8 финалға Қазақстаннан бөлек, Аргентина, Бразилия, Иран, Испания, Марокко, Парагвай, Португалия, Тайланд және Франция құрамалары шығып үлгерді.

Ал Ұлттық құраманың келесі матчы 21-қыркүйек «Хумо Аренада» сағат 17:30 Жаңа Зеландияға қарсы өтеді.