24 сәуірде қазақстандық кино тарихында алғаш рет футбол тақырыбын арқау еткен «90+1» атты фильм көрерменге жол тартады. Бұл туралы Sport Pulse порталына жобаның продюссері Анар Юлдашева хабарлады.
Туындының ресми тизері бүгін жарық көрді.
Фильм аяқдопшы Райымбектің арман жолындағы қиындықтарды жеңу тарихын баяндайды. Жас кезінен отбасының тірегіне айналған ол, өмірдің ауыр сынақтарына қарамастан, мақсатына жету үшін күреседі.
Режиссері – «Бизнес по-казахски» және «Әкім» сынды танымал жобаларымен белгілі Тимур Дулатов. Басты рөлдерді Қуаныш Керімқұлов, Алмат Сақатов, Жаннұр Рамазан, Шахмардан Әлмахан, Ақерке Назарбекова және танымал блогер Артур Асқарұлы сомдады.
Фильм Мәдениет және ақпарат министрлігі мен Ұлттық киноны қолдау орталығының қолдауымен түсірілген. Туынды салауатты өмір салты мен мақсатқа ұмтылудың маңыздылығын насихаттайды.
Біздің парақшамыздан футбол матчтарының барлық нәтижелерін Live форматта бірінші болып біліңіз!
