Фраттези: «Басым айналды — мұндай эмоцияларды ешқашан сезінбеймін деп ойладым»

«Интер» жартылай қорғаушысы Давиде Фраттези Чемпиондар лигасының жартылай финалындағы «Барселонамен» қайтару матчынан кейінгі әсерімен бөлісті. Драмалық кездесуде миландықтар 4:3 есебімен жеңіске жетіп, финалға жолдама алды.

«Бұл не болды? Білмеймін! Мен соншалықты қатты тойладым, басым айналып кетті. Мюнхендегі матчтан кейін мұндай эмоцияларды ешқашан сезінбеймін деп ойлаған едім. Бірақ футболдың сұлулығы шексіз», — деді италиялық жартылай қорғаушы.

Фраттези матч кезінде командалас Маркус Тюраммен арада болған сәтті де еске алды:

«Есеп 3:3 болғанда, мен Маркусқа: “Біз алға өтеміз” деп айттым».

УЕФА мәліметінше, бірінші матчта командалар 3:3 есебімен тең ойнаған болатын.