Формула-1 2026 жылдан кейін күнтізбеде ауқымды өзгерістерге дайындалуда

F1.com мәліметі бойынша, Формула-1 басшылығы 2026 жылдан кейін күнтізбеде елеулі өзгерістер жоспарлап отыр — чемпионатта бірден бірнеше жаңа кезең пайда болуы мүмкін.

2026 жылы Имола өз орнын Мадридке беретіні, ал Зандворт келесі маусымда соңғы Гран-приін өткізетіні белгілі болды. Олардың орнына үш жаңа локация үміткер — Тайланд, Руанда және Сауд Арабиясындағы екінші кезең.

Тайландтағы жоба Бангкокта қалалық трасса салуды көздейді. Стефано Доменикали осы жылдың наурыз айында ел премьер-министрімен келіссөздер жүргізді. Руанда Кигали маңындағы жаңа Бугесера халықаралық әуежайының жанынан тұрақты автодром салуды жоспарлап отыр.

«Сауд Арабиясы — күшті экономикасы бар өте үлкен нарық. Елде екі жарыс өткізу идеясы толық жүзеге асырылуы мүмкін», — деді Гран-при промоутері ханзада Халид бин Султан Әл-Абдулла Әл-Фейсал.

Формула-1 күнтізбесінде қазірдің өзінде 24 кезең бар — бұл командалар үшін қолайлы деп саналатын жарыстардың ең көп саны. Жаңа кезеңдерді қосу үшін қолданыстағы кезеңдерді алып тастау немесе ротация жүйесін енгізу қажет болады.