Forbes Краснодарды Ресейдің ең тиімді спорт клубы деп атады

Forbes мәліметтері бойынша, «Краснодар» ФК Ресей спорт клубтарының тиімділік рейтингінде көш бастады. Зерттеуге РПЛ, КХЛ және ВТБ Бірыңғай лигасының командалары енді.

Сарапшылар клубтарды сегіз негізгі параметр бойынша бағалады:

• Үйдегі ойындарға келушілердің орташа саны (10%)
• Арена толымдылығы (10%)
• Клуб табысы (5%)
• Пайда немесе шығын (5%)
• Әлеуметтік желілердегі аудитория (15%)
• Әлеуметтік медиадағы танымалдылық (15%)
• Интернет аудиторияның қызығушылығы (15%)
• Спорттық нәтижелер (25%)

Рейтингтің алғашқы бестігіне негізінен футбол клубтары енді — «Краснодар», Мәскеу «Динамосы», «Спартак», «Зенит» және ЦСКА. Хоккей командалары арасында ең жақсы нәтижені алтыншы орынға ие болған «Авангард» көрсетті.