Флорида шабуылшысы Маршанд Стэнли Кубогы финалында 37 жылдық рекордты қайталады

Брэд Маршанд Стэнли Кубогының финалдық сериясында өзінің нәтижелілігімен таң қалдыруда — «Флорида» шабуылшысы «Эдмонтон Ойлерзге» қарсы 5:2 есебімен аяқталған бесінші матчта дубль жасады.

37 жастағы канадалық плей-офф кезеңінде 22 матчта 20 ұпай жинады — оның еншісінде 10 гол мен 10 нәтижелі пас бар, пайдалылық көрсеткіші «+18». Финалдық серияда Маршанд 5 кездесуде 6 шайба салды.

Финалда мұндай нәтиже 1988 жылдан бері көрсетілмеген — сол кезде «Эдмонтонның» ойыншысы Эса Тикканен де 5 матчта 6 рет мәреге дәл тиген. НХЛ финалдарының абсолютті рекорды үш хоккейшіге тиесілі:

• Циклон Тэйлор — 5 ойында 9 гол (1918, «Ванкувер»)
• Фрэнк Фойстон — 5 ойында 9 гол (1919, «Сиэтл»)
• Бэйб Дай — 5 ойында 9 гол (1922, «Торонто»)

Қазіргі заман тарихында ең жақсы көрсеткішті Майк Босси мен Уэйн Гретцки ұстап тұр — 1982 және 1985 жылдардағы финалдық сериялардағы 7 шайбадан.