Флорентино Перес Вильям Салибаны негізгі трансферлік мақсат ретінде таңдады

Marca басылымының мәліметінше, мадридтік «Реалдың» президенті Флорентино Перес жазғы трансферлік терезеде «Арсенал» қорғаушысы Вильям Салибаны басты нысана ретінде белгілеген.

Француз футболшысы испандық клубтың қызығушылығынан хабардар. 24 жастағы Салиба — лондондық ұжымның қорғаныстағы негізгі тірегі. Ағымдағы маусымда ол барлық турнирлерде 46 матч өткізіп, екі гол соқты.

Transfermarkt порталы Салибаның нарықтық құнын 80 миллион еуро деп бағалап отыр. Оны «Арсеналмен» байланыстыратын келісімшарт 2027 жылдың жазына дейін күшінде.