«Флитвуд Таун» бас бапкері үш ойынға шеттетілді

Англияның футбол қауымдастығы «Флитвуд Таун» бас бапкері Пит Уайлдқа қатысты тәртіптік шешім қабылдады. Жаттықтырушы орынсыз мінез-құлқы үшін үш ойынға шеттетілді.

42 жастағы маман өзінің орынсыз мінез-құлқын мойындады, алайда екі апта бұрын «Гримсбимен» болған матч кезінде төрешіге қатысты қорқыту сөздерін қолданғанын жоққа шығарды.

Реттеуші комиссия барлық айыптауларды дәлелденген деп танып, алаң шетінде жұмыс істеуден шеттетумен қатар, бапкерге 1350 фунт стерлинг көлемінде айыппұл салды.

Лига 2-де 12-орында тұрған «Флитвуд Таун» өз бапкерінсіз «Порт Вейл», «Колчестер Юнайтед» және «Транмир Роверс» қарсы алдағы ойындарын өткізеді.