Фируза Шарипова Флойд Мейвезердің қандай кеңес бергенін айтты

Қазақстандық кәсіпқой боксшы Фируза Шарипова SPORT+ телеарнасына берген сұхбатында америкалық даңқты боксшы Флойд Мейвезермен кездескенде не туралы әңгімелескенін есіне алды. Бұл туралы 1bol.kz жазды.

Фируза танымал былғары қолғап шеберінің кеңесі өмір бойына азық екенін алға тартты.

«Мен одан: «Ұлы жеңімпаз болу үшін не істеуім керек?» деп сұрадым. Ол маған бір-ақ сөзбен түйін қойып берді: «Дұрыс орта, дұрыс адамдармен араласыңыз». Бұл өмір бойына жадыңда ұстайтын кеңес», – деді Шарипова.

Фируза Шарипова бұған дейін кәсіпқой бокстағы соңғы жекпе-жегін 2022 жылдың желтоқсан айында өткізіп, танзаниялық Фериче Машориді төрешілердің ортақ шешімімен жеңді.

Жақында ол шаршы алаңға оралуға ниетті екенін жеткізді.