Fifpro World XI финалистерін жариялау күні белгілі болды

BBC Sport мәліметінше, 27 қазанда беделді Fifpro World XI футбол марапатының финалистері жарияланады — бұл жеңімпаздарды тек кәсіби футболшылар анықтайтын жалғыз марапат.

Биыл 68 елден 26 мыңнан астам ойыншы дауыс беруге қатысты — олар ерлер мен әйелдер арасындағы үздік футболшыларды таңдады. Соңғы тізімге өз позицияларында ең көп дауыс жинаған 26 спортшы кіреді.

• Жылдың әйелдер құрамасы Астана уақыты бойынша сағат 16:00-де жарияланады
• Жылдың ерлер құрамасы Астана уақыты бойынша сағат 17:00-де жарияланады

Символдық құрамаға ең көп кірген ойыншы — Лионель Месси, ол 17 рет таңдалған, екінші орында Криштиану Роналду 15 рет кірген. Әйелдер футболында Венди Ренар мен Люси Бронз көш бастап тұр — әрқайсысы 7 реттен таңдалған.

Номинация үшін ерлер кемінде 30 ресми матч, ал әйелдер кемінде 20 ойын өткізуі керек. Символдық құрамалардың соңғы тізімі 3 қарашада Fifpro-ның ресми платформаларында жарияланады.