ФИФА Дрогба мен Веаны нәсілшілдікке қарсы жаңа комиссияға тағайындады

ФИФА 16 бұрынғы ойыншыдан тұратын жаңа сараптамалық топ құрды — деп хабарлайды ұйымның ресми сайты. Комиссия құрамына Джордж Веа мен Дидье Дрогба кірді — олар футболдағы нәсілшілдікке қарсы күресті күшейту бағытында жұмыс істейтін болады.

Бастама өткен жылы Тайландта өткен ФИФА-ның жыл сайынғы конгресінде жарияланған болатын. Джордж Веа 14 елдің өкілдері кіретін топтың құрметті капитаны болып тағайындалды.

«Футбол бірлік пен даму әкеледі — ол бізді адамгершілікке жақындатады. Мен әрдайым спортты дамыту үшін бар күшімді салдым және сала беремін, өйткені футбол — бұл өмір. Бұл рөлде қызмет ету мен үшін үлкен құрмет», — деді Веа.

ФИФА президенті Джанни Инфантино комиссия мүшелері білім беру бағдарламаларын қолдап, ұзақ мерзімді өзгерістер идеяларын алға жылжытатынын атап өтті.

Сараптамалық топ құрамына кірді:

• Джордж Веа (Либерия)
• Эммануэль Адебайор (Того)
• Мерси Акиде (Нигерия)
• Иван Кордоба (Колумбия)
• Дидье Дрогба (Кот-д’Ивуар)
• Халилу Фадига (Сенегал)
• Формига (Бразилия)
• Джессика Уара (Франция)
• Майя Джекман (Жаңа Зеландия)
• Сунь Цзихай (Қытай)
• Блез Матюиди (Франция)
• Айя Мияма (Жапония)
• Лотта Шелин (Швеция)
• Бриана Скарри (АҚШ)
• Микаэль Сильвестр (Франция)
• Хуан Пабло Сорин (Аргентина)