Ferrari маусымды сәтсіз бастады — соңғы 16 жылдағы ең нашар нәтиже

2025 жылғы маусымның екі жарысынан кейін Ferrari небәрі 17 ұпаймен конструкторлар Кубогында бесінші орында тұр — бұл соңғы 16 жылдағы ең әлсіз бастама.

• Мельбурнда Леклер мен Хэмилтон біліктілікте қиындық көріп, жаңбырлы жарыста қате стратегияның кесірінен тек 8-ші және 10-шы орындарға ие болды.
• Қытайда Хэмилтон спринтте жеңіске жетті, бірақ негізгі жарысқа екеуі де жіберілмеді: Леклердің көлігі салмақ, ал Хэмилонның көлігі техникалық талаптан өтпеді.

Қазір Ferrari қозғалтқышымен жүріп ең үздік нәтиже көрсетіп жатқан пилот — Haas командасындағы Эстебан Окон (жеке есепте 7-орын).