Оқу уақыты: 1 мин
5.0 Рейтинг
0 Комментарии

Федор Емельяненко ғылым кандидаты атанды

Аңызға айналған жекпе-жек шебері Федор Емельяненко педагогика ғылымдарының кандидаты дипломын алды. Бұл туралы ол әлеуметтік желілерінде хабарлады.

Төрт ай бұрын Емельяненко Белгород мемлекеттік ұлттық зерттеу университетінде диссертациясын сәтті қорғаған болатын. Оның ғылыми жұмысы аралас жекпе-жек спортшыларының оқу-жаттығу кезеңінде рухани-адамгершілік қасиеттерін қалыптастыруға арналды.

Еске салайық, екі жыл бұрын Емельяненко мансабындағы соңғы жекпе-жегін Райан Бейдерге қарсы өткізіп, бірінші раундта нокаутпен жеңіліп қалған еді. Осы кездесуден кейін ол кәсіби мансабын аяқтағанын мәлімдеген болатын.