FA әйелдер құрамасының бас бапкері Вигманмен қоштасқысы келмейді

BBC Sport хабарлауынша, Англия Футбол қауымдастығының басшысы Марк Буллингем әйелдер құрамасының бас бапкері Сарина Вигман «ешқандай бағаға сатылмайтынын» мәлімдеді.

55 жастағы маман футбол тарихында — ерлер мен әйелдер арасында — өз командаларын қатарынан бес ірі турнирдің финалына шығарған жалғыз бапкер болды. Нидерланд құрамасымен Еуро-2017 жеңімпазы атанып, 2019 жылғы әлем чемпионатының финалына шықса, Англиямен Еуро-2022 жеңімпазы атанып, 2023 жылғы әлем чемпионатының финалына жетті.

«Саринаға алғыс айтқым келеді. Оның жеке жетістіктері керемет. Біз оның бізбен бірге болғанына өте қуаныштымыз», — деді Буллингем Испаниямен өтетін Еуро-2025 финалы алдында.

Ағымдағы турнирдегі тактикалық шешімдеріне қатысты сынға қарамастан, FA басшылығы Вигманға толық сенім білдіреді — онымен келісімшарт 2027 жылға дейін жарамды. Бұл ретте әйелдер құрамасы бапкерінің жылдық жалақысы шамамен 400 мың фунт стерлингті құрайды, бұл ерлер құрамасының бапкері Томас Тухельдің 5 миллион фунт табысынан әлдеқайда аз.