Еуропа лигасының үшінші іріктеу кезеңі басталды: алғашқы нәтижелер

Еуропа лигасының үшінші іріктеу кезеңінде алғашқы ойындар өтті, деп хабарлайды Sports.ru.

Тель-Авивтің Маккаби командасы сырт алаңда мальталық Хамрун Спартанс командасын 2:1 есебімен жеңді. Латвиялық РФШ финляндиялық КуПС командасына 1:3 есебімен жол берді, ал хорватиялық Риека ирландиялық Шелбурнге 1:2 есебімен жеңілді.

Армениялық Ноа гибралтарлық Линкольнмен тең түсті — 1:1. Федор Чалов пен Магомед Оздоев өнер көрсететін ПАОК Вольфсбергпен тең ойнады — 0:0. Дәл осындай нәтиже Шахтер мен Панатинаикос арасындағы ойында тіркелді.