Эвертон қорғаушысы Брантуэйт клубпен бес жылдық келісімшартқа қол қойды

Джаррад Брантуэйт «Эвертонмен» бес жылдық жаңа келісімшартқа қол қойды — бұл туралы клубтың ресми сайты хабарлайды.

Бес жарым жыл бұрын «Карлайл Юнайтедтен» «ирискалар» қатарына қосылған 23 жастағы футболшы, өткен жазда «Манчестер Юнайтедтің» екі ұсынысынан бас тартқан болатын. Сондай-ақ қорғаушыға «Челси» мен «Тоттенхэм» қызығушылық танытты.

«Мен бақыттан басым көкке жетіп тұр. Біз бұл туралы маусым соңынан бері талқылап келдік, енді келісімшартқа қол қойылған соң — мен шынымен толқулымын. Клубтың сенімі және соңғы екі маусымда өткізген ойындарымның саны менің қалу туралы шешімімді оңай етті», — деді Брантуэйт.

Қорғаушы «Эвертон» құрамында Премьер-лигада 75 матч және барлық турнирлерде 86 ойын өткізді. Сонымен қатар, оның «Блэкберн Роверс» пен ПСВ-да табысты арендалары бар, соңғысымен Нидерланды Кубогын жеңіп алды.

«Джаррадтың өз болашағын бізбен байланыстырғанына қуаныштымыз. Ол небәрі 23 жаста, және үздік жылдары, үміттенемін, әлі алда», — деп түсініктеме берді бас бапкер Дэвид Мойес.