Эрлинг Холланд әлемдегі ең қымбат футболшыға айналды

Transfermarkt порталының соңғы мәліметтеріне сәйкес, Эрлинг Браут Холанд қазір әлемдегі ең қымбат футболшылардың бірі ретінде бағаланып отыр. «Манчестер Сити» және Норвегия құрамасының форварды 200 миллион еуроға бағаланды, бұл оның нарықтық құнының 20 миллион еуроға өсуін білдіреді.

Бұрын Холанд 180 миллион еуроға бағаланып, мадридтік «Реал» жұлдыздары Винисиус Джуниор, Джуд Беллингем және Килиан Мбаппемен тең тұрған. Алайда бұл жаңартудан кейін ол ең қымбат футболшы атанып отыр.

Айта кету керек, Холанд — тарихта нарықтық құны 200 миллион еуроға жеткен екінші ойыншы. Бұған дейін бұл межеге 2018 жылы француз Килиан Мбаппе жеткен болатын. Холандтың бағасының өсуі оның қазіргі деңгейінің жоғары екенін және футбол әлеміндегі болашағы зор шабуылшылардың бірі екенін дәлелдейді.