Энцо Мареска: «Бізге тек гол жетіспеді»

«Челси» бас бапкері Энцо Мареска АПЛ-дің 31-турындағы «Брентфордпен» өткен сырт алаңдағы 0:0 есебімен аяқталған кездесуге байланысты пікір білдірді, деп жазады Football London.

«Жалпы алғанда, біз жақсы ойын көрсеттік. Бейсенбіде қиын матч өткіздік, ауа райы ыстық болды. Қарсылас ойын қарқынын бәсеңдетуге тырысты. Біз 20-дан астам соққы жасадық, жеңіске жету үшін жеткілікті мүмкіндіктер болды. Бізге тек гол жетіспеді, бірақ мен командаға ризамын», – деді Мареска.

Ол құрамдағы өзгерістерді өткен матчтағы физикалық жүктемемен байланыстырды – барлық ойыншылар толық дайын болмаған. Дегенмен, бапкердің айтуынша, тактикалық жоспар сәтті орындалды.

Сырт алаңдағы нәтижелерге тоқталған маман: «Жоғары орындар үшін күрес жүргізуде дұрыс тепе-теңдік маңызды», – деп атап өтті.

«Біз Премьер-лигада ең нәтижелі командалардың біріміз. Бастапқы күннен бастап мақсатымыз анық: клубты өз орнын табуға – Чемпиондар лигасына қайта оралуға алып шығу», – деп қорытындылады Энцо Мареска.

Біздің парақшамыздан футбол матчтарының барлық нәтижелерін Live форматта бірінші болып біліңіз!