Энн Хэтэуэй «Арсеналға» деген жанкүйерлігін әнмен жеткізді

«Сайтан Прада киеді» және «Қара рыцарь: Аңыздың қайта оралуы» фильмдерінің жұлдызы, танымал голливуд актрисасы Энн Хэтэуэй «Арсеналдың» клубтық әнұраны — North London Forever-ді орындап, лондондық клубқа деген шынайы жанкүйерлігін көрсетті.

«Зеңбіректілерге» жанкүйер болу Хэтэуэй отбасы үшін дәстүрге айналған. Актрисаның айтуынша, ол туыстарымен бірге топтық чатта клуб жаңалықтарын үнемі талқылайды.

«Топтық чат жарылып жатыр. “Деклан — күннің батыры”, мен келісемін, анашым», — деп бөлісті ол бір видеосында.

Хэтэуэйдің «Арсеналға» деген алғашқы жария ықыласы бір жыл бұрын актер Николас Галицинмен сұхбат кезінде байқалған еді — олар бірге «Вулверхэмптонға» қарсы матчта Леандро Троссардтың голына қуана реакция білдірген.
«Бір-нөл, Троссард!» — деп айқайлаған Галицинге актриса: «О, мен сені жақсы көремін!» деп жауап берген.

2024 жылғы сәуірде Энн Хэтэуэй Букайо Саканың алаңға оралуын қолдап, «Арсенал» жейдесімен түскен суретін «Оралуыңмен, #7» деген жазумен жариялады.

Осылайша Хэтэуэй ағылшын клубтарын қолдайтын Голливуд жұлдыздарының қатарына қосылды. Бұған дейін:

• Рассел Кроу — «Лидс Юнайтедтің» көптен бергі жанкүйері;

• Том Хэнкс — «Астон Вилланың» фанаты;

• Кэтрин Зета-Джонс — «Суонси Ситиді» қолдайтыны белгілі болған.