04.12.2024
Оқу уақыты: 1 мин
5.0 Рейтинг
21 Комментарии

Эмма Хейс: Алиса Нахер-АҚШ тарихындағы ең үздік қақпашы

ESPN хабарлауынша, АҚШ әйелдер футбол құрамасының қақпашысы Алисса Нахер Нидерландыға қарсы матчта алты сейв жасап, командасына 2:1 есебімен жеңіс әкелді. 36 жастағы спортшы өткен аптада Англия мен Нидерландыға қарсы ойындардың оның халықаралық мансабындағы соңғы матчтар екенін мәлімдеген.

АҚШ құрамасының бас бапкері Эмма Хейс Нахердің ұзақ жылдар бойы командаға қосқан үлесін жоғары бағалады. Оның айтуынша, Нахер ел тарихындағы ең үздік қақпашылардың бірі.

Нахер матчтан кейін эмоцияларымен бөлісіп, халықаралық деңгейдегі жарыстарды және командаластармен өткізген сәттерді сағынатынын айтты. Сонымен қатар, ол клубтық деңгейде “Чикаго Ред Старс” сапында өнерін жалғастыратынын атап өтті.

Матч барысында АҚШ құрамасы бірінші таймда айтарлықтай қысымға ұшырағанымен, Нахердің сенімді ойыны арқасында есеп сақталды. Линн Уильямс 71-минутта жеңіс голын соғып, командасын алға шығарды.

Эмма Хейс матчты бағалап, команда ең үздік ойынын көрсетпегенін, бірақ жеңіске жетудің жолын тапқанын атап өтті.

Алисса Нахер халықаралық деңгейде екі әлем чемпионатын және бір Олимпиада алтынын жеңіп алды.