Эмери Мартинестің «Астон Виллада» қалуы туралы жауап бермеді

«Астон Вилла» бас бапкері Унаи Эмери қақпашы Эмилиано Мартинестің болашағы туралы бұлтарып жауап берді. Қақпашы «Тоттенхэмге» қарсы жеңіс ойынынан кейін көз жасын тия алмады.

Бирмингем клубы маусымдағы соңғы үй ойынында 2:0 есебімен жеңіске жетті. Бұл нәтиже команданың турнир кестесінде бесінші орынға көтерілуіне мүмкіндік берді.

«Көреміз. Әрине, бұл мұндағы соңғы ойын, мен білмеймін. Біз команданы, ойыншыларды бақылаймыз, бірақ олар алаңда өздерін көрсетіп жатыр», — деді Эмери.

ФИФА нұсқасы бойынша жылдың үздік қақпашысы атағының екі дүркін иегері Мартинес «Арсеналдан» ауысқаннан бері «Астон Вилла» сапында 211 ойын өткізді. Чемпиондар лигасына өту үшін бирмингемдіктер соңғы турда «Манчестер Юнайтедті» жеңіп, басқа ойындардың қолайлы нәтижелеріне үміт арту керек.