Елена Рыбакина жаңа италиялық жаттықтырушымен жұмысы туралы айтты

Championat.com мәліметінше, әлемнің он бірінші ракеткасы, қазақстандық Елена Рыбакина италиялық дене шынықтыру жаттықтырушысы Альдо Кьяримен жұмыс бастады.

Медициналық білімі бар маман — теннисшінің командасына Майами турнирінен кейін қосылды. Кьяри биомеханика және остеопатия саласында терең білімге ие.

«Біз Майамиден кейін жұмыс істей бастадық және маған бәрі ұнайды. Ол жаттығу процесіне жаңа элементтер енгізді. Остеопат және физиотерапия маманы ретінде ол адам денесінің жұмысын жақсы түсінеді», — деді Рыбакина.

«Командада жақсы қарым-қатынас орнады. Ол физиотерапевтпен сөйлескенде, олар бір кәсіби тілде сөйлейді — кейде мен олардың не туралы әңгімелесіп жатқанын түсінбеймін», — деп қосты теннисші.