Елена Рыбакина WTA финалдық турниріне жолдама үшін Токиода күреседі

Әлемнің жетінші ракеткасы Елена Рыбакина WTA рейтингінде 23-орында тұрған канадалық теннисші Виктория Мбокомен Токиодағы турнирде шешуші матч өткізеді.

Ширек финалдық кездесу Қазақстан уақыты бойынша 08:00-де басталады — бұл матч Рыбакина үшін Эр-Риядта өтетін WTA финалдық турниріне жолдама алу жолындағы шешуші кездесу болмақ.

Ширек финалға дейінгі жолда қазақстандық теннисші Лейла Фернандесті 6:4, 6:3 есебімен жеңсе, оның қарсыласы Виктория Мбоко екі сенімді жеңіске қол жеткізді — отандасы Бьянка Андреескуді (6:3, 6:3) және неміс Ева Листі (6:1, 6:1) ұтты.

Жеңілген жағдайда Рыбакинаның финалдық турнирдегі орнын әлемдік рейтингте тоғызыншы орында тұрған ресейлік теннисші Мирра Андреева иеленеді.