Елена Рыбакина Уимблдонның үшінші айналымында Клара Таусонмен кездеседі

WTA рейтингінде 11-орында тұрған Елена Рыбакина Уимблдонның үшінші айналымында даниялық теннисші Клара Таусонмен (22-орын) кездеседі.

Қазақстандық спортшы бұл кездесуге дейін — армениялық Элина Аванесянды (49-орын) 6:2, 6:1 есебімен, содан кейін гректік Мария Саккариді (77-орын) 6:3, 6:1 есебімен жеңіп шықты.

Клара Таусон өз кезегінде — британиялық Хизер Уотсонды (143-орын) 2:6, 6:4, 6:3 есебімен, содан кейін ресейлік Анна Калинскаяны (39-орын) 6:3, 7:6 есебімен жеңді.

Турнирдің жүлде қоры 22 714 380 еуроны құрайды, ал жеңімпаз 3 510 000 еуро мен 2000 рейтингтік ұпай алады. Турнирдің қазіргі чемпионы — әлемдік рейтингте 16-орында тұрған чехиялық теннисші Барбора Крейчикова.