Елена Рыбакина Вашингтондағы WTA 500 турниріне қатысады

Елена Рыбакина Вашингтонда өтетін WTA 500 турниріне қатысуға өтінім берді — қазақстандық теннисші төртінші нөмірмен қойылды.

Америкалық корттарда Рыбакинадан жоғары рейтингте Джессика Пегула, Паула Бадоса және Эмма Наварро орналасты — спортшылар әлемдік рейтингте тиісінше үшінші, тоғызыншы және оныншы орындарды иеленуде.

Вашингтон турнирі қазақстандық спортшының Уимблдоннан кейінгі алғашқы өнер көрсетуі болады — аты аңызға айналған британдық корттарда Рыбакина үш жыл бұрын чемпиондық атақты жеңіп алса, өткен маусымда жартылай финалға дейін жетті.