Елена Рыбакина United Cup турнирінде жеңіске жетіп, Қазақстанды алға шығарды

Теннисші Елена Рыбакина Сидней мен Пертте (Австралия) өтіп жатқан аралас командалар арасындағы United Cup турнирінде Қазақстан – Испания арасындағы матчта өнер көрсетті.

Қазақстанның бірінші ракеткасының қарсыласы испандық Джессика Бузас Манейро (рейтингіде 54-орын) болды. Нәтижесінде Рыбакина екі сетте сенімді жеңіске жетіп (6:2, 6:3), Қазақстан мен Испания арасындағы есепті теңестірді (1-1). Бұған дейін Александр Шевченко екі сетте Пабло Каррено-Бустадан (2:6, 1:6) жеңілген болатын.

Аталмыш турнир 2025 жылдың 5 қаңтарына дейін жалғасады. Қазақстандықтар «С» тобында Испания және Грекия құрамаларымен кездеседі. Ұлттық құраманың сапында Елена Рыбакина, Жібек Құламбаева, Александр Шевченко, Дмитрий Попко және команда капитаны Александр Недовесов ойнайды.