Елена Рыбакина Страсбургтегі турнирде жеңімпаз атанды

Елена Рыбакина Страсбургтегі WTA 500 турнирінің жеңімпазы атанды — финалдық матчта қазақстандық теннисші Людмила Самсонованы 6:1, 6:7(2), 6:1 есебімен жеңді.

Қазақстанның бірінші ракеткасы үшін бұл мансабындағы тоғызыншы титул және саз жабындысындағы төртінші жеңісі болды. Штутгарттағы турнирде жеңіске жеткеннен кейінгі бір жылдық үзілістен соң, ол қайтадан жеңіс тұғырының жоғарғы сатысына көтерілді.

Жарыс қорытындысы бойынша Елена Рыбакина әлемдік рейтингте бір позицияға көтеріледі — енді ол Диана Шнайдерді басып озып, 11-орынға орналасады.