Елена Рыбакина Ролан Гарростың екінші айналымында Ива Йовичпен кездеседі

Бүгін Ролан Гаррос корттарында Елена Рыбакина мен Ива Йович арасында екінші айналым матчы өтеді. WTA рейтингінде 11-орында тұрған қазақстандық теннисші 129-орындағы америкалық спортшымен кездеседі.

Бірінші айналымда Рыбакина аргентиналық Хулия Риераны 6:1, 4:6, 6:4 есебімен жеңді. Ал оның қарсыласы Йович мексикалық теннисші Рената Сарасуаны 6:3, 5:7, 6:4 есебімен ұтты.

Биылғы Франция ашық біріншілігінің жүлде қоры 56 352 000 еуроны құрайды — турнир жеңімпазы 2 550 000 еуро мен 2000 рейтингтік ұпай алады. Турнирдің қазіргі чемпионы — әлемдік рейтингте бесінші орында тұрған поляк теннисшісі Ига Швентек.