Елена Рыбакина күтпеген жерден Страсбург турниріне қатысатын болды

The Tennis Letter қазақстандық теннисші Елена Рыбакинаның Страсбургтегі WTA 500 турниріне қатысу туралы шешімі жайлы хабарлады — спортшы Рим «мастерсінен» ерте шығып қалғаннан кейін wild card алды.

Қазақстандық спортшы бес жыл бұрын финалға дейін жеткен Страсбург турнирі 18-24 мамыр аралығында — Ролан Гаррос басталар алдында өтеді.

«Саз кортта ырғақты табуға тырысу — орынды таңдау», — деп атап өтті The Tennis Letter.

Рыбакина үшін саз корттағы маусым сәтті басталған жоқ — теннисші Штутгарттағы титулын қорғауға қатыспады, ал Мадрид пен Римдегі турнирлерде үшінші кезеңнен әрі аса алмады.