Елена Рыбакина екі жылдан кейін әлемдік рейтингтің үздік ондығынан шығады

Championat.com мәліметінше, Қазақстаннан шыққан әлемнің оныншы ракеткасы Елена Рыбакина Штутгарттағы турнир аяқталғаннан кейін WTA рейтингінің алғашқы ондығынан шығады.

Қазақстандық теннисшінің бір жыл бұрын жеңіске жеткен WTA-500 турниріне қатыспауы 500 рейтингтік ұпайдан айырылуына әкеледі, бұл американдық Эмма Наварроға он бірінші орыннан көтерілуге мүмкіндік береді.

Рыбакина үшін бұл 2023 жылдың ақпан айының басынан бері алғаш рет үздік ондықтан шығуы болады, осы уақыт ішінде спортшы әлемдік рейтингте үшінші орынға дейін көтерілген болатын.

Өткен аптада қазақстандық теннисші Билли Джин Кинг Кубогының іріктеу кезеңінде өнер көрсетіп, ұлттық құраманың турнирдің финалдық кезеңіне өтуіне көмектесті. Дәл осы себепті ол Штутгарттағы жарысқа қатысудан бас тартты.