Елена Рыбакина болашақ жоспары туралы айтты

Әлемнің оныншы ракеткасы, Уимблдон-2022 турнирінің жеңімпазы Елена Рыбакина спорттық мансабын аяқтағаннан кейінгі өміріне қатысты ойымен бөлісті. Бұл туралы Championat.com хабарлады.

Қазақстандық теннисші жаттықтырушылық қызметпен айналысу мүмкіндігін жоққа шығармайды, бірақ белгілі бір шектеулермен.

Мен өзімді біреумен үнемі саяхаттайтын жаттықтырушы ретінде елестете алмаймын. Бірақ жасөспірімнің, үлкен ойыншының немесе кәсіби спортшының жаттықтырушысы бола алар едім. Сондай-ақ, кішкентай балаларға теннис үйрету де қызық болар еді. Дегенмен, болашақта нақты немен айналысатынымды айту әзірге қиын, — деді Рыбакина.

Спортшы үшін келесі турнир — үш аптадан кейін басталатын Мадридтегі WTA-1000 саздақ турнирі болмақ.