Экс-төреші Испания Кубогы финалындағы даулы эпизодқа баға берді

As басылымының хабарлауынша, бұрынғы футбол төрешісі «Барселона» мен «Реал» арасындағы Испания Кубогы финалында орын алған даулы сәтке пікір білдірді. Еске салайық, матч каталондықтардың 3:2 есебіндегі жеңісімен аяқталған болатын.

Ойынның 67-минутында Френки де Йонг айып алаңы маңында Килиан Мбаппеге қарсы ереже бұзды. Бас төреші Рикардо де Бургос Бенгоэчеа «Барселона» жартылай қорғаушысына сары қағаз көрсетумен шектелді.

Экс-төреші Эдуардо Итурральде Гонсалестің пікірінше, шешім дұрыс қабылданған:

«Бұл бір мәнді сары қағаз. Кубарси Мбаппеден бірнеше метр қашықтықта болды және қозғалысты жалғастырған жағдайда оны қуып жетер еді. Мұндай жағдайда тек сары қағаз берілуі керек. Күмән туғызатын жағдай жоқ», — деді Гонсалес.

Айта кетейік, «Реал» телевидениесі бұл эпизодқа қарсы пікір ұстанды. Олардың көзқарасы бойынша, Френки де Йонг Мбаппеге жасаған фолы үшін қызыл қағаз алуы керек еді.