Экс-төреші «Барселонаның» «Мальоркамен» ойынындағы даулы голды түсіндірді

Ла Лиганың бірінші турындағы «Барселона» мен «Мальорка» арасындағы матчта даулы жағдай орын алды, оған қатысты экс-төреші пікір білдірді, деп хабарлайды Mundo Deportivo.

Ойынның 23-ші минутында Ламин Ямаль айып алаңының сыртынан соққы жасады — доп қорғаушы Антонио Райльоның басына тиіп, ол алаңға құлады. Ферран Торрес допты алып, қарсылас алаңда жатқан кезде алыстан соққы жасап, қақпаны дәл көздеді.

Матчтың бас төрешісі Хосе Мунуэра Монтеро голды есептеді, бұл «Мальорканың» ойыншылары мен жаттықтырушылар штабының наразылығын тудырды.

«Мұнда талқылайтын ештеңе жоқ. Төреші ойынды жалғастыруға рұқсат берді, өйткені Райльо алаңда жатып симуляция жасады деп есептеді», — деп жағдайды түсіндірді экс-төреші Сесар Барренечеа Монтеро.