Экс-боксшы Валуев Әзірбайжанның қара тізіміне енді

Tribuna.com хабарлауынша, Әзірбайжанның сыртқы істер ведомствосы Николай Валуевке — бұрынғы боксшы қазіргі РФ Мемдумасының депутатына елге кіруге тыйым салу туралы шешім қабылдады.

СІМ мәлімдемесінде туризм жөніндегі комитет төрағасының бірінші орынбасары мемлекет туралы жол берілмейтін сөздер айтқаны көрсетілген: «Николай Валуевтің біздің ел мен халқымызға қатысты қорлайтын мәлімдемелері мен қауіп-қатер сөздері — мүлдем қабылданбайды».

Әзірбайжанның сыртқы істер ведомствосы ресейлік парламентшілерді «персона нон-грата» тізіміне енгізудің бірінші жағдай емес екенін атап өтті.

Қара тізімге бұған дейін енгендер:
Константин Затулин — ТМД істері жөніндегі комитет төрағасының бірінші орынбасары
Виталий Милонов — отбасын қорғау комитеті төрағасының орынбасары

Оларды енгізудің негізі Әзірбайжанның егемендігі мен аумақтық тұтастығына қарсы бағытталған іс-әрекеттер болды.