Экитике Исактың Ливерпульге келуін түсіндірді

«Ливерпуль» шабуылшысы Уго Экитике британдық футбол тарихындағы рекордтық 125 миллион фунт стерлингке Александр Исактың командаға ауысуы туралы ойымен бөлісті.

«Менің ойымша, үлкен клуб үшін бірнеше шабуылшының болуы қалыпты жағдай. Жоғары деңгейдегі клубта тек бір форвард болуын елестете алмаймын, сондықтан оның мұнда болуы жақсы», — деді Экитике.

Жазда 69 миллион фунт стерлингке ауысқан 23 жастағы француз «қызылдар» сапында он ойында бес гол соғып үлгерді. Өткен аптада екі шабуылшы да «Саутгемптонға» қарсы Лига кубогы матчында гол соқты — Экитике үзілісте Исакты алмастырды.

Экитике сол матчта алған қызыл қағазы үшін кешірім сұрады — ол гол соққаннан кейін футболкасын шешкені үшін екінші сары қағаз алды.

«Бұл ақылсыздық болды. Мен өзімді-өзім жерге қараттым. Instagram-да және командаластарымның алдында кешірім сұрадым. Бұлай енді қайталанбайды», — деп атап өтті шабуылшы.