Екатеринбургтің «Автомобилист» командасынан екі шабуылшы кетті

«Автомобилист» ресми сайтының мәліметінше, Екатеринбург клубы шабуылшылар Ник Меркли мен Владимир Кузнецовпен келісімшартты қаржылық өтемақысыз өзара келісім бойынша бұзды.

«Ойыншылар бір командада қалып, мансаптарын басқа клубта жалғастырады. Олардың ауысуы туралы жаңа клуб жақын арада хабарлайды», — делінген клуб мәлімдемесінде.

Өткен маусымда Меркли — КХЛ тұрақты чемпионатында 20 ұпай жинады, оның ішінде 11 шайба соғып, 9 нәтижелі пас берді. Плей-офф сериясында хоккейші жеті кездесуде бір гол соғып, бір пас берді.

Кузнецов өз кезегінде — тұрақты чемпионатта 40 ойын өткізіп, 6 гол соғып, 7 нәтижелі пас берді, алайда плей-офф ойындарына қатыспады.