Егор Сорокин ҚПЛ-дағы 50-ші матчын өткізді

KazFootball.kz мәліметінше, «Қайрат» қорғаушысы Егор Сорокин Қазақстан Премьер-Лигасындағы 50-ші ойынын өткізді. Мерейтойлық матч «Ордабасыға» қарсы өтіп, 4:0 есебімен алматылықтардың жеңісімен аяқталды.

29 жастағы ресейлік футболшы Қазақстан чемпионатында тоғыз жыл бойы ойнап келеді. Ол алғаш рет ҚПЛ-да «Ақтөбе» сапында «Таразға» қарсы кездесуде алаңға шыққан. Сол матчта ол 61-ші минутта Виктор Крюковтың орнына ауыстырылды.

Сорокин Қазақстан чемпионатында үш клубтың намысын қорғады:

• «Ақтөбе» — 29 матч, 1 гол
• «Елімай» — 8 матч
• «Қайрат» — 13 матч, 1 гол