Эду Агирре футбол әлеміндегі Роналдуға қатысты қос стандартты әшкереледі

Relevo мәліметі бойынша,  журналист және Криштиану Роналдудың жақын досы Эду Агирре португал футболшысына деген теңсіз қарым-қатынас туралы пікір білдірді.

«Менің ойымша, Криштиануды лайықты бағаламайды. Алтын допты алу үшін ол мінсіз маусым өткізуі керек болды. Ал Лионель Мессиге — жоқ. Лионель өзінің үш марапатын дәл осылай алды».

Агирре досының беделді марапатты жеңіп алуы үшін Чемпиондар Лигасын жеңіп үздік сұрмерген атану және Еуропа чемпионатында табысқа жету қажет болғанын атап өтті. Ал Мессиге мұндай талаптар қойылмаған.

Роналдудың қоғамдағы қабылдануы туралы айта келе журналист жұртшылықтың екіге бөлінгенін атап өтті: «Оны не жақсы көреді не жек көреді. Мойындау үшін Криштиану әрқашан ерекше бір нәрсе жасауы керек болды әйтпесе оны елемейтін».