Edmonton Oilers мұнай символикасы бар жаңа баламалы формасын ұсынды

НХЛ-дің ресми сайтының хабарлауынша, Edmonton Oilers бежевый түсті жаңа баламалы формасын ұсынды – команда алдағы маусымда жеті матчты осы формада өткізеді.

Клуб дизайнерлері Oilers атауына ерекше леттеринг жасады – соңғы s әрпі мұнай тамшысы түрінде бейнеленген. Иығында мұнай мұнарасы және команданың НХЛ-ге кірген жылын белгілейтін «Oil Country» және «EDM 1979» естелік жазулары бар жапсырма орналасқан.

Жаңа форма маусымның бес үйдегі және екі сырт алаңдағы кездесуінде қолданылады.