Джордж Расселл Mercedes-пен жаңа келісімшартқа қол қоюды кейінге қалдырды

Джордж Расселл ағымдағы жазғы үзіліс кезінде Mercedes Formula-1 командасымен жаңа келісімшартқа қол қоймайтынын мәлімдеді — британдық жүргізуші келісім шарттарын мұқият ойластыруға ниетті.

Макс Ферстаппеннің Mercedes-ке ауысу туралы қауесеттерді жоққа шығарғаннан кейін, Расселл мен оның серіктесі Андреа Кими Антонелли командадағы орындарын сақтап қалатыны анық болды. Британдықтың қазіргі келісімшарты 2025 жылдың соңында аяқталады.

«Маған алаңдайтын ештеңе жоқ. Жазда ештеңе болмайды, себебі мен жай маусымның екінші жартысына дейін демалып, күш жинағым келеді», — деді Расселл Sky Sports F1-ге берген сұхбатында.

27 жастағы пилот Williams-те үш маусын өткізгеннен кейін 2022 жылы Mercedes-ке қосылды. Осы уақыт ішінде ол төрт гран-при жеңісіне жетті және қазіргі чемпионатта төртінші орында тұр.

Команда жетекшісі Тото Вольфф Расселлдің болашағын жоғары бағалайды — жүргізуші 2018 жылы Formula-2 чемпионатында жеңіске жеткеннен бері тұрақты түрде жоғары нәтижелер көрсетіп келеді.