Джон Джонстың UFC-ге оралуына Трамптың сөзі түрткі болды

UFC аңызы Джон Джонс мансабын қайта жалғастыратынын мәлімдеді. Оның бұл шешіміне АҚШ-тың бұрынғы президенті Дональд Трамптың күтпеген мәлімдемесі себеп болған — Трамптың айтуынша, UFC турнирлерінің бірі тікелей Ақ үйде өтуі мүмкін.

Бұл сөздер Джон Джонсты шабыттандырған, ол 4 шілде күні таңертең бірден UFC басшылығына хабарласқан.

«Дональд 4 шілде күні таңертең айтты. Сол күні UFC штаб-пәтеріне қоңырау шалдым. Айтарым осы. Америка! Міне, осы мені жігерлендірді», – деп жазды Джонс өзінің әлеуметтік желісінде.

UFC президенті Дана Уайт бұл ақпаратты Full Send Podcast эфирінде растады. Оның айтуынша, 37 жастағы бұрынғы чемпион допинг-тест базасына қайта енген, бұл — жекпе-жектерге оралу үшін міндетті рәсім.

«Иә, ол қайта тестілеу базасына кірді. Бұл — ресми», – деді Уайт.

Бұған дейін Джон Джонс мансабын аяқтағанын хабарлаған еді. Оның ауыр салмақтағы чемпиондық белбеуі британдық Том Аспиналға өткен болатын. Енді жанкүйерлер Джонстың қайта оралуын тағатсыздана күтуде.