Джокович Ролан Гарроста тарихи рекорд орнатты

Новак Джокович Ролан Гаррос корттарында рекордтар орнатуды жалғастыруда, деп хабарлайды Sports.

Сербиялық теннисші он алтыншы рет қатарынан Париж турнирінің ширек финалына өтіп, Кэмерон Норриді 6:2, 6:3, 6:2 есебімен сенімді жеңді.

Бұл жеңіс Джоковичтің Ролан Гарроста жүзінші жеңісі болды — бұл Рафаэль Надальдан кейінгі тарихтағы екінші көрсеткіш. Сербиялық спортшының еншісінде сондай-ақ Australian Open-да 99, Уимблдонда 97 және US Open-да 90 жеңісі бар.

Турнирдің үш дүркін жеңімпазы жаңа рекорд орнатты — ол 1971 жылдан бері Ролан Гарростың ең жасы үлкен ширек финалшысы атанды, бұл жетістікке бұрын Иштван Гуляш қол жеткізген болатын. Сонымен қатар, серб Үлкен дүбірлі турнирлердің 62-ші ширек финалына шығып, өзінің жеке рекордын жаңартты.

Келесі матчта Джокович өткен жылғы финалист Александр Зверевпен кездеседі.