Джо Харт: «Премьер-лигаға жаңадан шыққан командалар шынайы ойнауы керек»

«Манчестер Сити» мен «Бернлидің» бұрынғы қақпашысы Джо Харт BBC Radio 5 Live эфирінде Премьер-лиганың жаңа маусымында элитаға көтерілетін клубтардың тактикалық ұстанымдары туралы пікір білдірді.

«Жанкүйерлер өз командаларының нәтиже шығарып, лигада қалуға тырысатынын түсінуі керек. Соңғы екі маусым Премьер-лиганың деңгейі қаншалықты жоғары екенін көрсетті. Егер сіз ашық футбол ойнағыңыз келсе, сізді бөлшектеп тастайды», — деді Харт.

Оның сөзінше, «Бернли» бапкері Скотт Паркер өз бағытын айқындап қойған — тұрақты әрі сенімді команда қалыптастыру. Бұл жоспардан ол келесі маусымда да айнымайды.

Ал «Норвич» пен «Блэкберннің» бұрынғы шабуылшысы Крис Саттон трансферлік кезеңнің маңыздылығын атап өтті. Оның пікірінше, Премьер-лигада бәсекеге қабілетті болу үшін қорғаныс сенімді болуы керек, ал шабуыл шебіне тиімді қосымшалар қажет.

Біздің парақшамыздан футбол матчтарының барлық нәтижелерін Live форматта бірінші болып біліңіз!