Джеко Конференциялар лигасында жас рекордын орнатты

Эдин Джеко Конференциялар лигасы тарихына өз есімін жазды — «Фиорентина» шабуылшысы турнирде гол соққан ең жасы үлкен ойыншы атанды, деп хабарлайды Конференциялар лигасының Х-тегі парақшасы.

Босниялық шабуылшы екінші тур ойынында Вена «Рапидіне» қарсы көзге түсті — кездесу италиялық клубтың 3:0 есебімен сенімді жеңісімен аяқталды.

Қақпаға гол соққан сәтте Джеконың жасы 39 жас және 220 күн болды — бұл турнир бомбардирлері үшін жаңа жас рекорды.