Джастин Гэйджи жаңа UFC чемпионы Илия Топурияға қарсы шықты

Джастин Гэйджи UFC-дің жеңіл салмақтағы чемпионы Илия Топуриямен кездесуге ниетті — жекпе-жек қарашада «Мэдисон-сквер-гарден» аренасында өтуі мүмкін.

Қазір Топурия – үлкен жұлдыз. Бірақ ол тым өзіне сенімді. Қарашада «Мэдисон-сквер-гарденде» оны нокаутпен жеңуге қуанышты болар едім, – деді Гэйджи.

Айта кетейік, Илия Топурия чемпиондық белбеуді маусым айында жеңіп алды — грузин спортшысы Чарльз Оливейраны нокаутпен жеңді. Жаңа чемпионның менеджері команданың UFC-ге жеңіл салмақта қалуға сөз бергенін, ал Джастин Гэйджи титулдық жекпе-жекке ең жақын тұрғанын растады.